Сіздерге аналарды туған күнімен құттықтауға арналған тілектер ұсынамыз.
—
Ата-ананы таңдау өз ырқымыздан тыс. Ал сен мені Құдайдан тіледің, ал менің сені таңдауға еш мүмкіндігім болмады. Бірақ мен дәл сенің қаныңнан ұйып, жаратқан мені сенің жатырыңа салғанына өмір бойы шүкіршілік айтамын. Сенің әлемде қайталанбас, көшірмесі жоқ туындың екенім рас. Сол үшін де саған алғысым шексіз. Жаратқан ғұмырыңды мәнді, ұрпағыңды ұлағатты етсін! Сенің қуанышыңды көрмесем, менің өмір кітабым қызық болмайды. Жасығаныңды көрмесем деймін, себебі сен өмір сүрсең тынысым кең. Менің бойымдағы қанның сенде, сенің бойыңдағы рухтың менде болғаны мені өмірде жетістікке жетелейді деп сенем.Денсаулығың болаттай берік, ғұмырың мәнді де, сәнді болсын! Құдай тағала өзіңе, ең бастысы жүрегіңе көптеген ізгіліктен жазсын!
—
Айға сіңлі, қарындассың қасиетті жерге сен.
Мен өзіңді теңдессіз құдірет деп түсінем.
Сендік қуат мың есе артық Жердің тарту күшінен!
Аяулы ана, сен дегенде жүрек шіркін езілмей, елжіремей тұра ма?! Осы әлемде сенен артық адам жоқ деп сенемін. Жер жақұтын алдыңа әкеліп төгіп берер ем, мен үшін бір күлімдегенің, жылы сөзің қуат алуға жетеді. Қуанышың көп болсыншы, балаларыңның, мына біздің және немерелеріңнің қызығына тоймай жүре бер!
—
Сүйікті анашым! Мен үшін бұл өмірдегі ең жақын жан өзіңсің! Сенің көңіліңе ешқашан кірбің түспеуін қалаймын. Ауру-сырқау, қайғы-мұң сені айналып өтсін! Әрдайым осы қалпыңда көркем мінез, парасаттылықтың нышаны мен символы болып тұра бер! Сен – біз үшін үлгісің! Сен сіңірген тәрбиені, парасаттылықты өз балаларыма сіңірем, өмірлік ұстанымым етем!
—
Әйел адам жас қосқан сайын қартайып келем деп мұңайса да, сенің туған күнің мен үшін – той. Себебі бұл күні менің ең жақын адамым дүние есігін ашқан. Бұл күні мені өмірген әкелген адамның туға күні, онсыз мен де ешкім емес едім, тіпті мына дүние де болмайтын да едім. Жан ана, сенсіз — өмір қараңғы. Бар бол, қасымызда бол! Денің сау, басың аман болсын!
—
Анашым, сен менің кеңесшім, ақылшымсың. Өмірімді сенсіз елестету — қараңғы бөлмеге шамсыз кіріп, одан шыға алмайтыныңды булмен тең. Мен барлық арман, мақсаттыммен үмітімді өзіңде сақтаймын, сен менің – алтын қорымсың, ал сен маған қолдау мен кеңесіңді бересің, аямайсың. Себебі сендік махаббат әлемдегі теңдесі жоқ күш. Сендік махаббат — сарқылмас энергия. Саған күш-қуат, денсаулық, өмірге деген құлшыныстың артуын тілеймін.
—
Мені өмірге әкелген, мәпелеп өсірген, түн ұйысын төрт бөлмек түгілі, көп бөлген анамды туған күнімен құттықтағым келеді. Баянды ғұмыр, берік денсаулық, шаттық пен жақсы көңіл-күй тілеймін сізге, анашым! Күлімдеп жүрші, сенің күлкің жүрекке жылуылық ұялатады, болашаққа сенімділікті ұлғайтады. Сенің барың – қуат береді.
—
Анадан қымбат дүниеде ештеңе, ешкім жоқ. Тал бесікке бөлеген сәттен бастап осы күнге жеткізген өзіңе алғыс айтам. Адам етіп тәрбиелегеніңе шүкіршілік айтамын. Аналық бақытқа кенеліп, айналаңа нұрыңды шашып жүре бер!
—
Бір әулеттің шаңырағын биіктетіп, отын тұтатқан, шамшырағымыз, отбасымыздың алтын мүшесі – анамыз бүгін керемет жасқа келіп отыр. Бұл жасқа жетіп, өз көркем болмысын жоғалтпай, жақындарына сыйлы боп отырғаның абыройыңның белгісі. Мәңгілік тән мен жан жастығы бұйырсын, саған, шеше! Анасы бар адамдар ешқашан қартаймайды.
—
Шаттыққа кенелік, бақытқа бөленіп жүруіңіз менің өмірлік мақсатым. Ақ сүтіңізді ақтау арманым. Сіз бізге керексіз, өзіңіз болмасаңыз тынысым тарылады, өмірім күреңдене түседі. Ыстық алақаныңыз жылуын жоғалтпасын, мейіріміңіз әлемді жылытсын! Бақытты ғұмыр кешіңіз!
—
Сенің махаббаттың теңдесі жоқ, қайталанбас құбылыс. Қайтарымсыз сезім. Бізді осы махаббатың мен сүйіспеншілігіңді бізге беріп, ықыласыңа бөлеп мейірммен өсірдің. Бұдан артық қандай бақыт бар? Бала үшін ана махаббатынан асып түсер не бар?!
—
Жанымда ұзақ жүріп, шалқым күлсең шын мәнінде жүрегім жыр толғайды. Жер жаһанның жақсылығы өзіңе бұйырсын! Екі дүниеде де бақытқа кенелгейсің!
Ана – әлемнің шамшырағы, бесіктің иесі, өмірдің керегесі. Анаға қанша тілек, қанша мақтау мен алғыс айтсақ та, аз емес. «Жақсы сөз – жарым ырыс» демекші, анаға жылы да жұмсақ сөз айтуды, алғыс білдіру мен мейірім танытуды ешқашан ұмытпайық.
Сондықтан да аналарға арналған тілектерді топтастырып, оқырман қауымның назарына ұсынуды жөн көріп отырмыз.
***
Ананың аялы алақаны мен жылы жүрегіне, шексіз мейірімі мен кіршіксіз таза көңіліне тең келер ештеңе жоқ. Сондықтан да біздің аяулы аналарымыз бен ардақты әкелеріміз аман болсын.
***
Қадірменді арулар! Баршаға қадірін бағалатқан ізгілігі мол қазақтың ару қыздары болуларыңа шын жүректен тілектеспін.
***
Аналарымызға айтарымыз: өміріңіз көзге көркемдік сыйлайтын сәулетті, ал әулетіңіз дәулетті болғай. Лайым, ортамызда жыры, нұры, ұлағатты ұйытқысы болып, жасыңызға жас қосыңыз, көңіліңізде көктем әні шырқалсын. Денсаулыңыз қуатты, ғұмырыңыз шуақты болғай. Ұрпақтарыңыздың қызығы мен қуанышын көруге жазсын.
***
Анамызға мол бақыт, қажымайтын қажырлы күш-қуат, сонымен қатар, әрине, бірінші байлық – денсаулық тілейміз.
Жанары қуаныштан бал-бұл жанып, жанына жамандықтан келмей, айналасындағыларға пана болып, аман-есен жүре беріңіз.
Аяулы Ана! Жасыңыз 100-ге келіп, ортамызда қызығымызға тоймай жүре беріңіз.
***
Анамызды бүгінгі мерейлі 55 жасымен құттықтаймыз! Жалпы, өмірде «5» деген сан – өте жақсы сан, баламыз «5» алып келсе қуанамыз, болмаса, өміріміз, хал-жағдайымыз «5» десе, қуанамыз. Әрдайым қуанышта жүріңіз, «Ұлы бар үйде қуат бар, қызы бар үйде шуақ бар» деген, әрдайым қуатты, шуақты болыңыз, Анашым!
***
Әйелдер нәзік жандар ғой, мына өмірде «Еркелетсе – жеңеді, ашуланса – жеңіледі» дейді. Жүздеріңізден ашу көрінбей, тек қана еркелік көрінсін.
***
Аузынан ақ батасы түспейтін абзал Ана – бүгінде берекесі ортаймайтын отбасымыздың ырысы мен құты.
Алла Тағала тек ұрпақтың тамырын тәрбиенің таза шырынымен сусындатып отырған қазыналы анамыздың күш-қайратын еселей түссе екен деп тілейміз.
70-тің төрінен, 100 жастың жиегінен көрініңіз, абзал Ана. Сіз – біздің береке, байлығымызсыз. Ендігі көрер күніңіз көктемнің көгілдір күніндей шуақты болсын.
***
Анамызға шынайы көңілден айтар ақ тілегіміз: жанарыңыздың күлкі кетпесін, жаздай жадырап, көктемдей құлпырып, арамызда аман-есен жүре беріңіз.
Әлемдегі барлық жақсылықты өзіңізге тілеп, ғұмырыңыздың арайлы да шуақты шақтары мол болсын дегіміз келеді. Мейірім шашқан нұрлы жүзіңізді мұң шалмасын, көңіліңізге ешқашан кірбің түспесін. Немерелеріңіздің қызығына батып, шөберелеріңіздің қолынан су ішіп, шөпшек көруді нәсіп етсін.
***
Кең пейілді, жаны жұпар, жанұямызға жылу болған Анамызға он сегіз мың ғаламның жақсылығын, дүниенің шуағын, мың ғаламның жақсылығын, дүниенің шуағын, өмірдің қызығын, жүрегіне Алланың нұрын тілейміз. Өмірдің көзге көркемдік сыйлайтын сәулеті, ал әулетіміздің дәулеті болғайсыз. Басыңыздан бақ таймасын, шаңырағыңыздан шаттық әні үзілмесін.
Денсаулығыңыз қуатты, ғұмырыңыз шуақты болсын. Әкем екеуіңіз ұзақ ғұмыр кешіп, ортамызда аман-есен жүре беріңіздер. Немере-шөберелеріңіз көбейіп, ұрпақтарыңыздың қызығы мен қуанышын көруге жазсын.
Мама туған күнімен құттықтау, тілек
Тілектер, құттықтаулар- 11.10.2019
- 0
- 11
- 1060372
Қымбатты мама!
Бұл күнде сізге перзенттік махаббатымыз жүрек түпкірінде әрдайым тербетіп жүретін ең ізгі де ыстық сезімімізді білдіргіміз келеді. Тағдырдың жазуымен бұйырған бес тал гүліңізді бір өзіңіз аялап, бізді жеткізсем деп талай күндеріңіз бен түндеріңізді күлкісіз де ұйқысыз өткізгеніңіздің қандайлық азап екенін алдымыз балалы болып, соңымыз сізге күйеу бала мен немере қуанышын сыйласақ деген ойда жүргенде жете түсінгендейміз. Содан да болар, жан-жаққа тарап кетсек те есіл-дертіміз өзіңіз жылытып отырған алтын ұямызда, «алтындарымның бірі келіп қалар ма екен», деп үлкен жолға үнемі көз тігіп жүретін өзіңізде. Торыққанда — ақылшымыз, жабыққанда — сағынышымыз, өзіңізсіз. Мынау өмір сіз арқылы қызық, мағыналы, қымбат. Құдай сізге алдағы кезде тек бақытты ғұмырын бергей.
Әлпештеген, аялап асыраған,
Аяулы ана, ақ ниет асыл адам.
Ұрпақ үшін тірлікке нұрын төккен,
Қиын-қыстау күнде де жасымаған.
Сыздағасыз,
Сан рет мұздағасыз,
Шәкіртке де,
Бізге де ізгі анасыз.
Бағымыздың бұлбұлын сайрататын,
Жанымыздың жайлауы Сіз ғанасыз.
Лаулаймыз да, Сіз барда жанамыз да,
Қосып сізді сан әнге, сан аңызға.
Аялаған аққуын айдындай боп
Асыл Ана, жүре бер арамызда!
* * *
Аяулы Ана! Шығар шыңдарыңыз, бағындырар биіктеріңіз, алар асуларыңыз көп болсын! Әрқашан Алланың назарында, бақыттың базарында шалқып тасып жүре беріңіз! Сізге сарқылмайтын денсаулық, таусылмайтын бақыт тілейміз! Арамызда бүгінгі күндей жарқырап, күліп-ойнап жүре беріңіз!
Өмірдің әр қырынан іздеп арай,
Бақыт құсы самғасын Сізге қарай.
Алпыстың асуынан еркін асып,
Сәтті қадам басыңыз жүзге қарай!
* * *
О, Ана!
Неткен ғажап есім ең!
Сен дегенде елжіреп,
Сен дегенде көсілем.
Сен дегенде шалқимын,
Болаттай жанып, балқимын.
Ақшақардай айналып,
Қыл гүліндей жайқалып,
Самалың боп аңқимын.
Сен үшін тартып тауқымет,
Найзағайдың ұшқынын
Жүрегіме шаншимын.
О, Ана!
Неткен жеңіл есім ең!
Үш әріптен құралып,
Үш жүзді жалғастырып ең.
Мәңгіге мұрағаттаулы
Баға жетпес шежірең.
Тыңдаушы, бір сәт елең ет!
Айтуға жеңіл емес пе?
«Ана» деп тіл қат, керемет!
О, Ана!
Тірегім де өзіңсің,
Жүрегімде өзіңсің,
Айтатын әркез сөзімсің.
Өзіңсің ана, өзіңсің,
Аз қызыққа мәз болған,
Көкірегіңе наз толған,
Жатқа кетсем төрімсің.
Іс бастаған оң қолдан,
Бата беріп оң жолдан,
Құлыным дейсің аймалап.
Айналайын, ана жан,
Мадақтауға тұлғаңды,
Жалықпаймын қайталап.
Дұрысымды асырған,
Бұрысымды жасырған,
Мен гүл болсам қырмызы,
Сенсің ана — жайған бақ!
О, Ана!
Неткен байтақ едің сен!
Жер анадайсың керілсең.
Иен құшағың бірде тар,
Бірде шексіз, бірде жар,
Қасиетіңнен айналдым!
Бұрымды шашың толқындай,
Майланған өзен сияқты.
Жанарыңа жас толмай,
Бастаудан бойлап ол ақты,
Кей кезде таңғы шықтардай,
Тұрады мұңмен мөлдіреп,
Кірпігіңе жармасып,
Үзілейін деп үлбіреп.
О, Ана!
Неткен қамқор жан едің!
Білегіңді сыбанып,
Әлденеге қуанып,
Тынып таппай жүресің.
Қабақты да шытасың,
Жібек көйлек кепкенше,
Сондай жайлы мінезің!
Өз бақытын, қуанышын өзі өмірге әкелген перзенттерінің қылығынан, қызығынан іздейтін аяулы Анам менің! Сізге әлемдегі бар жақсы тілекті үйіп-төксем де аз. Алла сізге ең алдымен мықты денсаулық берсін! Әрқашан жүзіңізден мейірім нышаны кетпей, айналаңызға нұрыңызды шашып, Аналық баққытқа кенеліп жүре беріңіз!!!
Батыр да туған анадан, ақын да туған анадан,
Ананың биік тұғыры — анадан туған бар адам.
Пайғамбарымыз Мұхаммед ананы құрмет санаған,
Анаға мәңгі борыштар елдегі барлық дана адам.
Ақ сүтін беріп өсірген, бұзық болсам — кешірген.
Тілін алсам — айналған, күнәм болса -өшірген.
Ақ анашым,анашым, саған тәнті бала шын!
Мөлдір, кәусар бұлақсың, мен сүрінсем — жылапсың,
Шыңға шықсам — қуанып, мен құласам — құлапсың,
Ақ анашым, анашым, сенбей бар ма жанашыр.
Ана
Ана деген — ұлы есім!
О, Ана!
Неткен ұлы есім ең!
Тұрса да қажып тағдыры,
Бар шаттығым — бала деп,
Тәнін торлап таң нұры,
Мін бақпай ұрпақ өсірген.
Бар қатені кешірген,
Жасайды мәңгі аруана
Жалғасып тарих көшімен.
Асаудай асыл бейнесі,
Кетпейді адам есінен.
Баласын басса бауырына,
Нәр тамған ақ төсінен.
Бармақтай жатқан бақытты
Артық көрген өзінен.
Ол — сәби, сонда жылайды,
Ынтызар көмек сұрайды,
«Іңгә» деген сөзімен.
* * *
Бүгін — анамыздың туған күні. Осыған орай, ардақты да асыл анашымызды шын жүрегімізден құттықтаймыз. Деніңізге саулық, шаңырағыңызға ырыс-байлық, көңіліңізге сезімнің шалқыған шаттығын тілейміз. Әрдайым осы қалпыңыздан танбай, жетістіктен жетістікке жете беріңіз. Отбасыңыздан ынтымақ, басыңыздан бақ таймасын. Жүзіңізден шуақ кетпей, ғұмыр бойы мәз-мейрам болып, өмірдің қызығына тоймай, ортамызда жүре беріңіз. Дос-жаран мен туған-туыс алдында абыройыңыз артып, аңсаған армандарыңыздың асуларына шыға беріңіз. Жұлдызыңыз жоғары, мерейіңіз үстем болып, қуанышқа кенеліңіз.
* * *
Ұл-қыз өсіріп, немерелерінің қымбатты анасы, сүйікті әжесі болып отырған 60-тың асуына шыққан ………. тұрғындары …….. пен ……… мерейтойларымен құттықтаймыз.
* * *
Асыл анам, нұр шашқандай келбетің,
Сенсіз басып жүре алам ба жер бетін?
Бір қолыңмен балаң жатқан бесікті,
Бір қолыңмен ұлы әлемді тербеттің.
Ана, жаным, жүре берші қасымда,
Сен өтпеген, бәлкім, осы асу ма?
Әркез маған бата беріп жол нұсқап,
Айтатынсың: «Құлыным-ау, жасыма!».
Сұм тағдырды кешіп өттің басымнан,
Сондықтан да ширақ болдың жасыңнан.
Кешір ана, қателессем кеше көр,
Бірақ алыс кете көрме қасымнан.
* * *
Қандай ыстық ана деген әркімге,
«Құлыным!» деп отыратын әр күнде.
Бәрімізге бесік жырын үйреткен,
Аналардың маңдай тері бар түнде.
* * *
Қажетті сілтемелер (қарап көріңіз):
Туған күнге арналған құттықтау cуреттер
Туған күнге арналған тілектер
Туған күнге өлеңдер
Туған күнге арналған тілектер, құттықтаулар
Туған күнге тілек, құттықтау
Туған күнге арналған әдемі тілектер топтамасы
Әлеуметтік желілерде бөлісіңіз:
Жер бетіне өмір дәнін себетін,
Ананы АЛЛА әркез жақсы көретін.
Сол Ананың мерекесі дәл бүгін
Шайқамайық Ана-өмір кемесін.
…-жасқа толған менің,Анашым,
Әлі күнге еркелеймін саған шын.
Қартаймашы,мәңгі жас боп жүре бер,
Бағып алда шөберенің баласын!
Алақаның ыстық күн ғой мен үшін,
Қиындықты жеңе білдің небір шың.
Сол белестер артта қалып бүгінде
Шат күлкімен қаумалайды ұл-қызың.
Қандай баөыт ортамызда жүргенің
Бейнетіңнен зейнет көріп күлгенің.
Әр жас сайын жасара бер, жан Ана,
Бізге бақыт ұзақ ғұмыр сүргенің!
Қуанамын сені ойласам алыстан,
Келгендей бір ыстық сәлем ғарыштан.
Бейнең сенің көлеңкемдей ілесіп,
Ақ пейілің адымыммен жарысқан.
Мақтан тұтам әрқашан да шаттанып,
Ұстай алсам берер едім бақты алып.
Сендей ешкім алып,сірә,бола алмас,
Шыдайсың-ай қолыңды алса шоқ қарып.
Туған күн! Келемін қуана,
Кіргенде алдымда түрды Ана
Жасыңыз құт болсын бүгінгі,
Ешқашан қартайма, жылама!
Ақ моншақ сыйлаймын мойныңа,
Гүл толсын мерейлі тойыңда.
Кетсем де есейіп, ес біліп
Баламын тек сенің қойныңда.
Аналарға айтылған ән таусылған ба,
Таусылмайды ешқашан ауқымды ән да.
Мейрамы Аналардың құтты болсын,
Жете берсін даңқтары сан қырларға.
Ана десем теңеу жетпес жанды айтам,
Әлемді әркез тербететін жанды айтам.
Жастан жасқа толған туған күніңде
Мәңгілікке саптанкетпес сәнді айтам.
Ана, жасың құтты болсын бүгінгі
Қабыл алғын мына әсем гүлімді.
Гүлдей жайна,көркем күлкі бейнеңмен
Сен күлгенде менің түнім түрілді.
Құтты болсын бүгінгі мейрамыңыз,
Әр күнде тек шаттыққа жиналыңыз.
Балалардың бақытына қуанумен,
Тағдырдан денсаулықты сыйға алыңыз!
Мейрамыңыз құтты болсын, Анашым!
Сенен алам мол тәрбие парасын.
Денсаулық пен қуанышқа кенеліп,
Әкешіммен таба білгін жарасым.
Көкірегі сырға толы күй-дастан,
Алатаудай арманы бар жүздеген.
Өзі өскен ұясынан симастан,
Түзден бақыт іздейді екен қыз деген.
Тағдыры оның суық қарап, сыздана,
Шешімі ауыр сын артқанмен санаға.
Көктемдегі қарлығаш қой қыз бала,
Айналатын шуақ шашқан Анаға!
Туған күніңіз құтты болсын Анашым,
Біздер үшін ерекшесің, дарасың.
Деніңіз сау, қуанышта әрқашан,
Алла қолдап аман болшы Анашым
Туған күнің құтты болсын Анашым
Ойдан әркез шығармайтын баласын
Өмір берген аялаған әлпештеп
Мына әлемде ең керемет анасың
Ана десем арылмайсын жанымнан
Төр беремін бұлағы бар бағымнан
Туған күнің құтты болсын анашым
Саған ғана жарасады мақтау ән
Өмірге әкеліп өсірдің
Жақсы істі басыма көшірдің.
Қарызбын өзіңе мәңгілік
Мейрамда ағымнан көсілдім.
Туған күнің тойлануда той болып
Көрген бейнет зейнет болып, ой толып.
Барлық жанның тілектері қабыл боп
Әумин десін періштелер мол толып.
Деніңізге саулық берсін Жаратқан
Сен сәулесің жерге нұрын таратқан.
Немере мен шөберені көп көріп
Дана қарт бол елді аузыңа қаратқан.
Ана деген атқа иесің керемет
Бар қасиет жүгін жиған сөрелеп.
Ана сенің мейрамыңда бүгінгі,
Бергім келер бақ тұлпарды өрелеп.
Балалардың панасы,
Ақыл-ойдың парасы.
Тәрбиенің бастауы,
Аман жүрші, Анашым!
Тал бесікті тербеткен ұйықтамастан,
Басқан жері әрқашан құтқа басқан.
Анашыма еркелеп пана тұтам
Сен дегенде арманым бұлттан асқан.
Қалай ғана қайтарам қарызымды,
Саған ғана өткізе алам арызымды.
Балаларын баптаған саулық тілеп,
Қадірлеймін, Ана, сенің әр ізіңді.
Қолыма қалам алдырған Жаратқанның сыйлығы,
Ойыма өріс кеңейткен Анажанның бұйрығы.
Шып-пыр көңіл күй кешкен бозторғай сынды қорғаным,
Жаныңда сенің жаманның бір тұтам болар құйрығы.
Туған күнде денсаулықты тілеймін,
Тек өзіңе шаттық тілеп күлейін.
Қабағыңды мұң шалмасын,жан Ана,
100-ге дейін өзіңменен күлейін.
Туған күнің денсаулықты тілейін
Әр жыл сайын бақыт тілеп жүрейін.
Балалардың қызығын көр,Анашым,
Бар арманың орындалсын тілеймін!
Арманым менің шалқайма
Қартайма, Анам, қартайма.
Тағдырың саған бақ беріп
Күлкінің ізін салғай да.
Қартайма, Анам, қартайма
Бақыттымын деші,жантай да.
Немерең өсіп,шөпшек көр,
Отаның толсын,ортайма
Бүгін мейрам! Не тілейін, Анашым?
Көз жетпейтін биік тұрсың,дарасың.
Сөз жетпейтін әдемісің, әс емсің,
Адамзаттың бастауысың,данасың!
Бүгін мейрам! Не тілейін, Анашым?
Мына өмірден тапшы дейін жарасым.
Отбасының ұйытқысы, көркісің
Бізді бастап болашаққа барасың.
Іздесем теңеу таба алмадым саған лайық,
Есіміңнің қасында болам жай ық.
Ана деген ұлы атты берген АЛЛА,
Басқа теңеу тең келмес, бұл-ғажайып!
Мақтан тұтам өзіңді осы үшің де
Ана деген атқа иесің өз күшінде.
Адамзаттың бар ұрпағын таратқан
Әр ісімді өткізетін сараптан.
Қарызымды қайтарайын там-тұмдап
Ауыртпашы, бақ бере гөр, Жаратқан!
Көтеріпсің шыдаммен еркелікті,
Ерте жастан бала деп тер төгіпті.
Арқаң сенің қайысты-ау қиындықтан
Жастық күнің;Анашым,ерте өліпті.
Бүгін жалғыз жеттің-ау арманыңа,
Бақыттысың немереңнің болғанына.
Тек ауырма қалғанын бізге қалдыр
Бір көреміз тағдырдың салғанын да.
Қалмасын тек тістің ізі бармағыңда
Бізге атады бақыттың таңдары да.
Мейрам күні көңілді әсем ән керек,
Балаң бүгін күніңді әсем әрлемек.
Бар бақытты тілеймін деп өзіңе
Ендігі өмір қуанышпен сәндемек.
Қуат берер бір жаным бар әлемде
Жалғыз лайық барлық саулық-сәлемге.
Анашым-ау сағындым ғой өзіңді
Болсам да алыс сөзің шипа жан емге.
Көп ренжітіп аламын-ау сені, Ана,
Жүрем сосын опынумен мұңдана.
Кешір, Ана, кіналама балаңды
Әзірге осы сыйлар сыйым жыр ғана.
Өмірдегі ең асыл жан сен ғана
Туған күнің келе жатыр енді, ана,
Денсаулығын мықты болсын, күліп жүр
Құшағыңда еркелейін кең дала!
Әрқашан да күліп жүрші,Анашым,
Жан жетпейтін асқақ тұрған дара шың.
50 жасты еңсеріп те тастапсың
100 жасаңыз, маған өзің панасың!
Ана-мейрам, Ана-таза, таңғы шық,
Ана десе атады әркез таң күліп.
Аналардан бастау алар жақсы істер
Тарихтардан айтар жартас жаңғырып.
Ана-шаттық,жүрер жерін сән қылып
Мінезіне қайран қалам, таң қылып.
Еркелігін баласының көтерген
Төзімділік Анажанға тән қылық.
Жамандықтан жиіркене қаштың да
Адалдыққа ашық қадам бастың да.
Балапаным, аман бол деп қорғайсың
Жұмақ кілті табаныңның астында.
Қарызымды қалай ғана өтермін
Ақымақтау мінезімді көтердің.
Қуанасың сәл биіктен көрінсем
Ана сенің тырнағыңа жетер кім.
Ана дейді жүрегім жарылардай
Еркелетсең мұңымнан арылардай.
Мейрамың құтты болсын мерейлеткен
Алыстан сәлем саған сағынардай.
Сізге деген тілегім таусылар ма
Әр тілек бар жаңбырлы тамшыларда.
Сансыз тілек тілеймін жақсылықтың
Әумин десін періште таң шығарда.
Әкеммен не көрсе де бірге көрген
Қиындықты жеңісіп бірге көмген.
Қуаныштың терегін бір көркейтіп
Шаңырақтың шыбығын бірге өрген.
Ана сізбен әдемі біздің үйде
Әдемі әнді ұластырар сәнді күй де.
Отасының ұйытқысы берекесі
100 жасаңыз әкемізбен мәңгі бірге!
Амандарым атойлаған тілегіңнен нәр алып
Сезімдерім серпіледі жүрегіңнен нәр алып.
Ана саған бар бақытты,бар бақытты тілеймін
Сенің арқаң жүргенім де адам болып саналып.
Мені әрқашан қолдаған бар ниетпен
Қос ішекті қосып тұрған тиекпен.
Бір сипасаң болғаны маңдайымнан
Жеңістердің таңы атады көк жиектен
Күлімдеген көздеріңе сүйсінем
Құшағыңда еркелеймін күн сіңген.
Жастан жасқа аса бергін, Анашым,
Баласының бар қылығыны түсінген.
Бастау болар бұлақтың көзі,
Мен үшін заңды Анамның сөзі.
Қолыңда сенің жібекке айналар
Қораштау көрінген матаның өзі.
Алақаның сенің бейне бір ғажап
Тұрса да оны қиындық қажап.
Осынау жеткен белесіңде енді
Көрмеші,Анам, ешқашан азап!
Мақтан етем жеткен биік-белесіңді
Еңсең неткен жоғары еді кеме сынды.
Айтқан сөзің ақылдың бұлағындай
Толтырып алсам деймін тегешімді.
Мен, сірә, бола алам ба дәл өзіңдей
Арман қуам түн баласы бір көз ілмей.
Саулығыңды тілеймін әр таңдарда
Мұң атаулы көшіп кетсін бір сезілмей.
Таттың өмір тәтті,ащы,кермегін,
Сонда да алға құлаш ұра сермедің.
Балаларың үшін желге тік қарап
Өмір-дауыл құрсауына бермедің.
Қарыздармын,сансыз сенің еңбегің,
Қайғырмасын балам деумен терледің.
Мың алғыс та айтсам саған аз болар
Ауырғанда көз ілместен емдедің.
Жүрегіңде жамандыққа орын жоқ,
Анашыма айтар алғыс,тоным көп.
Бақытты боп күліп ойнап шаттаншы
Жүрген жерің сый-құрметті төрің боп.
Анама айтар тілегім таусылмайды
Ән салайын қолыма алып саз сырнайды.
Барлық асқақ арманың орындалсын
Тілекшімін, тілегім еш сарқылмайды.
Ақ батаңмен жолыма аттанғанмын,
Сөздеріңнен нәр алып шаттанғанмын.
60 жасың мерейлі құтты болсын,
Еңбегіңнің еленіп ақталған күн.
Мәртебеңнің мерейі сақталған күн,
Адалдықтың ары тағы жақталған күн.
Тағы бір 60 жасты жасап таста
Бақыт жеңіп қиындықтан тақты алған күн!
70 жасың құтты болсын бүгінгі күн мерейлі
Тілектерді айтайын бүлкілдетіп көмейді.
Ақ жаулығың ақылдың туы болған, Анашым,
Періштелер әумин деп тілегімді жебейді.
Шуылдассын айналып немерең мен шөберең
Шаңырағың шайқалмай кеңейсін тағы керегең.
Көретін әлі қызық көп, 100-ден ассын ғұмырың
Ортамызда отыршы ақылды беріп демеген.
Орман болсақ мәпелейтін сен бағбан,
Бағдар берген жұмақ кілті сен қағбам.
Тілек тілеп жақсы ниет әрқашан
Ең жақсы ән өлеңімді мен жазғам.
Құттықтаймын, Анашым,мейрамыңмен
Бақыттысың өмірден жиғаныңмен.
Бала-шаға қызығын бірге көріп
Әкеммен бақытты бол сыйладым мен.
Әлдилеп тербеп өсірдің
Қатемді әркез кешірдің.
Еркелеп саған жаныңда
Болғаныңда есірдім.
Көтердің бәрін төзіммен,
Аналық мейір сезіммен.
Өшпестей жақсы із қалды
Балалық балдай кезімнен.
Теңіздейсің толқыған тылсымыңмен
Бәйтерксің өскен бала-бүршігіңмен.
Күлім күнсің гүлдеріңді мәпелеген
Жарық түнсің жұлдызыңмен жетелеген.
…-жасқа келдің сен бүгін
Ашып бақыт қонған үйдің түндігін.
Еңбегіңнің жемісін көруменен,
Ата берсін қуанышпен әр күнің.
Жатсам,тұрсам ойлайтыным,Анашым,
Қазір не істеп ,шыгып қайда барасың.
Жақсы ісіңді еске салып өткеннен
Күндерімнің көрем ақ пен қарасын.
Қыса алмадым бүгін сенің қолыңнан,
Мейрамыңда алыстамын жаныңнан.
Бар бақытты,денсаулықты тілеймін,
Қабыл алғын сәлемімді сағынған.
Қырықтың қырқасына жеттің, Ана,
Отбасыңа мейірім дәнін септің, Ана.
Шып-пыр боп баласы үшін тағат таппай
Тоқшылықтың шыбығын ектің, Ана!
Бағалаймын,мақтаймын бұл ісіңді
Саған орай шақтаймын мен күшімді.
Бақыттың отауында төрде жайғас
Әкемізбен ұзақ жаса кең пішімді.
Ананың орны бөлек бала үшін
Балаға тура таудай дара пішін.
Мейрамың құтты болсын,Анажаным,
Мейірімнің көрінісі дана мүсін.
Ұйқыдан көзім ашқанда
Алдымен сені іздегем.
Тәй-тәйлап қадам басқанда
Алдымнан үміт үзбеген.
Жан бар ма асқан өзіңнен
Жүрегіңнен сый ұқтым.
Отбасың болсын бақытты,
Төзімнен тасы биік шың.
Әсем сөзді кестелесем жүректен
Қазынаны қазып алсам күрекпен.
Сыйлап саған бәрін берсем қуантып
Бақытты жан болар едің тілекпен.
Керемет той бүгін бізде болуда,
Қуаныштың құсы келіп қонуда.
Отбасының мақтанышы,жүрегі,
Анажаным 60-жасқа толуда.
Тағдырың бақытты сый берсін баса,
Болмасын өміріңде мұңды таса.
Ортамызда ақыл беріп жүре бергін
Дәл осындай 60-ты тағы жаса!
Көктемнің шуақты күнінде
Әдемі мереке түрінде.
Өтуде нұр шашып бір мейрам
Анашым,әрқашан күлімде.
Анам деймін еркелеймін өзіңе,
Ұйып келем әрбір ақыл, сөзіңе.
Тәрбиенің тал бесігін тербеткен
Қарай берем мейірім толы көзіңе.
Туған күнің сенің бүгін қуанған,
Жасыңа жас қосылсын тек жүр аман.
Асқар тауым әкемменен қос биік
Болып жүрші, саған ғана жұбанам.
Түп шыңырау тереңдегі мөлдір бұлақ,
Жаныңа жатсам мамық,жасыл құрақ.
Туған күнің құтты болсын, Анажаным,
Алақаның сипаған бейне жұмақ.
Өзіңнен үйренгенмін өмірдің әр сырын,
Жақсы мен жаманның айырып бар жігін.
Үйретіп жақсыны талмастан шаршамай
Қолыма ұстатқан мәңгіге ар жібін.
Алдыңда бас ием, ардақты Анашым,
50-ді еңсеріп еңкеймей барасың.
Тек бақыт тауына шығуың бұйырсын,
Біздерге ес болып жүре бер, дара шың.
Түзу жолда жүріп келем ақылыммен
Шындықты тура айтасың батыл үнмен.
Жасыңыз құтты болсын,жан Анашым,
Әр таңыңыз ата берсеін шатты үнмен!
Наурыздың ең әсем күнінде,
Бұйырған мейрамың бүгін бе.
Құт болсын мереке-мейрамың
Анажан әрқашан күлімде.
Ештеңені аямаған баладан,
Әлемдегі ең сүйкімді дара жан.
Шын көңілден құттықтаймын мен сізді
Мейрамыңыз құтты болсын, Анажан!
Бесігінде түн баласы тербеткен,
Анажанның туған күні бұл көктем.
Денің сау боп,аман болсын шаңырақ,
Менің Анам, әдемі едің сен неткен!
Қаралым саны: 25 365